Op Platt

SWEET SOUL MUSIK
(JO, JO!)

Musik: Sam Cooke, Arthur Conley, Otis Redding, Text: Arthur Conley, Otis Redding
, Charly Beutin

Wüllt jüm goode Musik
Düsse Sweet Soul Musik
So lang as dat in de Been gait

Ruut hier op denn Danzböd ́n
Wi loop in denn hitten Schuppen
Bi jedes Leed löppt Schweet
Jo, Jo …

Lich’ an för Lou Rawls, Lüd
Süch hej ni richtig hit ut ?
Hej singt „ Love is a hurting thing now.“
Jo, Jo …

Lich’ an för Sam un Dave nu
Jümmer in fin Schapptüch
Se singt „ Hold on I ́m coming.“
Jo, Jo …

Lich’ an för Wilson Picket
De veel to good Oos Picket
Hej singt „ Mustang Sally .“
Jo, Jo …

Lich’ an för Otis Redding nu
Hej singt „ Fa, fa, fa, fa …
Fa, fa, fa, fa!“
Jo, Jo …

Nu Lich’ an för James Brown
Hej stait öber allns, jooh
Hej stait öber allns, jooh
Jo, Jo …

 

Mit Plattdüütsch kannst du hoorige Saken veel beeter singen

Charly „Schreckschuss“ Beutin kümmt ut Rendsborg. Dor is he in eene Arbeitersiedlung groot worn. Und in düsse Tied dröömt he vun de groode, wiede Welt. 
An‘ besten dröömt sik dat an den weltberöhmten Nord-Ostsee-Kanal. Links geiht dat na Skandinavien un Russland, rechts na Amerika un Panama.

Avers wie dat so is – int‘ Leven kümmt allens anners as du di dat dacht hest. Rainer, as he regulär heet, kun to Huus bleeven und müss ni rut in de Welt, se keem to em. Mit Rock ’n‘ Roll-Musik ut England un ut Amerika mit Blues-Musik. De Musikers speeln toerst in den Hamburger Star-Club un denn opt‘ Land. In dat „Clubhaus Saatsee” in Rendsborg kun Rainer se dat erste Mol in echt hörn und seen. Dor vun weer he so begeistert, de Musik hett em nich mehr loslaten. Sowat wull he ok. He leert dat Singen und Gitarre speelen, jüst as de beröhmten Musikers. In de 70er Johr gründt he siene erste „Charly Schreckschuss Band”. Mit düsse Jungs güng he op Tour dörch heel Düütschland un ook in’t Utland. Ünnerwegens hett he ook ganz veel schnackt mit Radiolüüt. Und du schasst di wunnern: De Lüüt muchen dat geern hörn.

40 Johr un 12 Alben later:

Nu livt he jümmer noch mit sien Fru Hanna in’t Hart von Schleswig-Holstein in Lütt-Königsföer. Dree Kinner hebbt de beiden – aver de sünnt all ut Huus. An Freedagabend, Sünnabend und Sünndag kinnst du Rainer nich wedder: Denn is he Charly und mookt jümmer noch siene Musik. He hett jüst een frische CD inspeelt („Was Nun – Was Tun?”). De Leeder sünd in hochdüütsch un op Platt.

Un för Charly is düsse CD as Wiehnacht un Ostern an een Dag.  In dat erste Leed singt he vun „Halve Brand is Wegschmeten Geld“. Mit Plattdüütsch kannst du ok hoorige Saken veel beeter seggen und singen, as dat in hochdüütsch geiht… Charly hett jümmer wat „mit Bedüüden” in siene Musik leggt. Dar kannst jümmer wedder tolustern. „Jo, Jo!“ seggt he dorto in dat letzte Leed. 

Un de Rhythmus geiht di in de Been, dar kannst nich lang still sitten blieven un musst dat Danzbeen swingen.